Bo día a todos a todas!
Recordamos que existen dous tipos diferentes de artigos: os artigos determinados e os artigos indeterminados.
En Lingua Galega, as contraccións dos determinantes soen darnos moita dor de cabeza.
A mellor medicina: repasalos!
Repasamos os artigos determinados:
| Singular | Plural | |
|---|---|---|
| Maculino | o | os |
| Feminino | a | as |
Cando as formas do artigo van seguidas de determinadas palabras prodúcese a contracción nunha única forma. Nalgúns casos esa contracción dáse na fala e tamén na escrita, é o que sucede cando o seguen as seguintes preposicións:
Prep
Art
| A | CON | DE | EN | POR |
|---|---|---|---|---|---|
| O | ao / ó | co | do | no | polo |
| A | á | coa | da | na | pola |
| OS | aos / ós | cos | dos | nos | polos |
| AS | ás | coas | das | nas | polas |
E co artigos indeterminados?
Primeiro... cómpre recordar os artigos indeterminados:
| Singular | Plural | |
|---|---|---|
| Maculino | un | uns |
| Feminino | unha | unhas |
OLLO: Estas formas coinciden coas formas correspondentes dos adxectivos determinativos numerais e indefinidos e non sempre é fácil distinguilos, sobre todo do indefinido. Convén lembrar que cando é un artigo carece de significado, mentres que cando é un adxectivo determinativo si que o ten. Fíxate: Vin unha noticia no xornal que me sorprendeu, unha non é un numeral porque non se refire a unha unidade (non é unha fronte a dúas) e tampouco é un indefinido porque non se refire a unha identidade imprecisa (non se refire a unha calquera).
Entón.... Como se contraen os artigos indeterminados???
Prep
Art
| CON | DE | EN |
|---|---|---|---|
| UN | cun | dun | nun |
| UNHA | cunha | dunha | nunha |
| UNS | cuns | duns | nuns |
| UNHAS | cunhas | dunhas | nunhas |
Agora... a practicar!
Bibliografía: https://www.edu.xunta.gal/espazoAbalar/sites/espazoAbalar/files/datos/1411726747/contido/mor/mor_det_01.html?orix=mor&tema=mor_det_01.html
Ningún comentario:
Publicar un comentario