Bo día rapaces e rapazas!!!!
Hoxe repasaremos os adxetivos... recordade que tanto en Lingua Castelá como en Lingua Galega seguimos as mesmas regras.
Recordamos.....
Se vos digo a frase....
"Os rapaces de 5ºA de Educación Primaria do CEIP Alborada son moi traballadores e amables."
Que clase de palabra son traballadores e amables? Exacto! Adxetivos.
Os Adxetivo é un tipo de palabra variable que acompaña o substantivo e concorda con el en xénero e número.
A calidade que expresa o adxectivo pódese manifestar en diversos graos: positivo, comparativo e superlativo.
- Grao positivo: É o grao no que está un adxectivo que expresa unha calidade ou estado sen matizar ningunha intensidade do mesmo.
- El é unha persoa interesante.
- Grao comparativo: Un adxectivo está en grao comparativo cando compara a intensidade coa que dous substantivos posúen a mesma calidade:
- Este chiste é máis divertido ca o anterior.
- Grao superlativo: Un adxectivo está en grao superlativo cando expresa unha calidade no seu maior grao:
- Estou esgotadísima.
A comparación pode ser de tres tipos:
- De igualdade: as dúas calidades posúense no mesmo grao.
- Os contos son tan interesantes coma as novelas.
- De inferioridade: unha calidade posúese en menor medida ca a outra.
- Os contos son menos interesantes ca as novelas
- De superioridade: unha calidade posúese en maior medida cá outra.
- Os contos son máis interesantes ca as novelas.
OLLO! Lembra que adxetivos coma grande, pequeno, bo, malo, alto e baixo presentan formas para o comparativo específicas, que son: maior, menor, mellor, peor, superior e inferior, respectivamente.
Se vos animales podedes facer o seguinte xogo en liña para repasar os graos dos adxetivos: Xogo dos grados dos adxetivos,
Por último, deixo un video a modo de resumo:
Bibliografía: https://www.edu.xunta.gal/espazoAbalar/sites/espazoAbalar/files/datos/1411726747/contido/mor/mor_adx_01.html?orix=ud1&tare=11&tema=/mor_adx_01.html
Ningún comentario:
Publicar un comentario